جرس انذار

لما الواحد يعيش لحاله في الغربة.. جزء من الخبرة اللي بكتسبها عبارة عن حوادث طريفة او احيانا مش طريفة

اللي صار معاي هذاك اليوم ما كنت حاسبة حسابه! .. انا عايشة في سكن طلاب حاليا و اللي بتتكون من شقق فيها طلاب بتشاركوا في المطبخ.

اللي صار اني كنت قاعدة في غرفتي و الا بجرس الحريق برن! انا ما كان الي زمان مستعمله المطبخ و خفت اني اكون تركت شي فيه

من اللخمة .. ركضت على المطبخ اتأكد.. المهم ما طلع السبب مني .. بس عبين ما صحيت على اللي صار و اجيت ارجع على غرفتي .. طلع اني نسيت اخذ مفاتيح الغرفة معاي ( واللي متى ما سكرت ما بتنفتح من برة الا بمفتاح) بالإضافة الى اني كنت ناسية البس شي في رجلي و الأفظع اني كنت ناسية البس حجابي من اللخمة! نيالي

المشكلة اني لازم اطلع امشي برة في البرد عشان اوصل الرسبشن و اطلب منهم يروحوا يفتحولي الغرفة .. و غير هيك انه الشقة اللي غرفتي فيها بتشارك فيها مع اتنين شباب و صبية (و يومها للأسف الصبية ما كانت موجودة) فإضطريت اطلب مساعدة الشباب اللي تعرفوا علي من جديد بس بدون حجاب .. و كان اول تعليق بس شافوني : "بدك نجبلك شي تغطي فيه راسك؟"

واحد منهم اعطاني شبشب و جكيت بطاقية من عنده عشان انزل فيهم على الريسبشن

و التاني ضله يضحك على المقلب اللي صار فيي

المهم .. هينا تعلمنا