Saturday, July 3, 2010

"أحمر طويلة مصنع بيضة" ..

يبدو العنوان و للوهلة الأولى إنه يا أنا مهلوسة أو بخرّف و مش عارفة وين ربي حاتطني ... بس بحب أعرفكم بالتسمية الجديدة للباذنجان مش مصدقين؟ بتخوت يعني؟ لا و الله! هي مما يمكننا تسميته بالمضحك الممبكي أو بشر البلية ما يضحك! أه والله بليه و بلوة إبتلت بها لغتنا العربية على يد مواقع الترجمة على النت و حبايبنا من الشعب الهندي

قبل شهور وصلتنا دعاية لمنتجات تباع في سوبر ماركت و تقوم بعرض المنتوجات و أسعارها لإستقطاب الناس .. فبدل ما تهتم بأسعار المعروضات تلطمك أسماء المعروضات وترجمتها المبدعة من الإنجليزية للعربية

فسبحانه! أضحى الباذنجان هو أحمر طويلة مصنع بيضة!! و دا كان من إيه ولا مؤخذة؟


Butter Cookies = ملفات تعريف الإرتباط الزبد
مش عارفة هذا بتاكل و لا بتاخد كبسولات بعد النوم




Folding Mat = تجليد في الإنتخابات

يا لطيف! شكله مدعوم من بعض الأوساط السياسية


أترككم مع المزيد! إنجوووووووي

إنقر الصورة للتكبير




12 comments:

Whisper said...

ههههههههههههههههههههههههه
جد تحشيش
في كتير اشياء غريبة بالصورة الكبيره

عجبني الكوسا
Marrow baby-----نخاع الطفل
ههههههههههههههههههه

Palestinian Princess said...

هههههه
على قولتك .. جد تحشيش

انا بس أفهم كيف توصلوا لهاي الترجمة؟
و لا الفازلين طلع الملكات للنفط واسلين

:سميلي بلطم:

WD said...

وجعتيلي قلبي على هالصبح!!! احنا بس نشوف هيك اعلانات عطول بندخلعالمحل وبنحكي معالمسؤول على طول بشيلو الاعلانات اللي عالباب وبخفوهم عن الوجود هههه

Palestinian Princess said...

سلامة قلبك .. هو صح بدايق بس حطيته كمان من باب المزح

يا ريت حاطينه إعلان على باب محل ... هذا عاملين منه أبصر أكمن ألف نسخة و موزعينها على البلد كلها

معاك حق .. انا كان لازم رحت نبهتهم بس الله يقطع التنبلة و الكسل! إذا الإعلان نفسه اله شهور عنا في البيت بس مكسلة أطوله أعمله سكان (مسح ضوئي( ..

:$

White Freedom said...

هههههههههههه طيب ايش معناه ههههههههه
احس انهم يلعبون في عقول الناس

الكوسة اسمهاالرضيع النخاع >>>>> هههههههههههههههههه ههههههههههههههههههههههههههههه

عن جد ضحكتيني ههههههههههههههههه

الشمسو لنفط عباد الشمس هههههههههههههههههههههه


اول مره ادخل مدونتكوعن جد حبيتك وحبيت مدونتك تسلمين ياعمري :)

Palestinian Princess said...

White Freedom:

أهلا بيكي في مدونتي و تسلمي على تعليقك الجميل يا ذوق
الله يسعدك و أنا كمان حبيتك
:)

أنا سعيدة إنه أعجبك و و جدتيه مضحكا و أن أكون قادرة على رسم إبتسامة على وجهك هذا أمر يثلج صدري
:)

LUNAR. said...

أكيد بتمزحي
:*l:

Assorted M3naha متجانسة

:mal5oom:

Palestinian Princess said...

هذا و الله اللي أجانا يا لونار

أنا مش عارفة كيف مرقوها

بس لما يكون كل الشركة من أولها لأخرها ولا واحد فيهم بحكي عربي هاي هي النتيجة
إستهتار بلغتنا الأصيلة

sheeshany said...

loooooooooooooool
جد تحشيش

أنا صار لي 3 سنوات بالسعودية تقريبا ً و كل فترة بنصقع من التسميات اللي بسمعها مثل هذه

:]

Palestinian Princess said...

يا أهلا و سهلا بيك يا هيثم الشيشاني

بسعدني مرورك على المدونة

مشكلة و الله هاي الإعلانات في منطقة الخليج أنا برأيي لازم يعملوا جهة رقابية من الحكومات الخليجية عشان نحافظ على لغتنا أو بضل الوضع مسخرة هيك

:)

قط البكتريا said...

انا نزلت لامارات مرة واحدة كنت بقراء تعليمات السلامة بالفندق " مش شطارة بس زهق وانا بستنا بصاحبي "
انو 3 ارباعو تخبيص بالعربي فا قرائت الانجليزي , بس انو توصل المسخرة لهل حد ؟؟؟ تخينة مافي يعني مصريين وفلسطينين واردنين وعرب بالامارات انهم يكتبو كوسا وا فازلين
طيب تاني اشي الهنود ليش مغلبين حالهم وكاتبين عربي خلص على الصورة بنفهم من غير ترجمتهم
تاني شو تجليد بالانتخابات هاي عنجد اشي مستفز

نخاع طفل يالله واحمر طويل وملف تعريف الارتباط يعدمني دلهي وبومباي مغباكم

Palestinian Princess said...

و الله يا قط البكتيريا هدول الهنود خيرهم مغرقنا لغويا ما شاء الله حولهم و حوليهم

أنا برأيي لازم يكون فيه رقابة من قبل البلد نفسه للحفاظ على لغتنا المبعثرة بين أفواهنا حتى أصبحت هي اللغة الرسمية و صارت "ما في معلوم " بدل "لا أدري" و "جلدي" بدل "بسرعة" و " جنجال" بدل " شجار" .. يعني بحب أبشرك إنه لغتنا أصبحت أغنى من ذي قبل