Monday, July 12, 2010

أسبوعان من الحب

أرخى رأسه على صدري .. إمتعض قليلا .. فرك وجهه بين جنبات صدري ثم عاد مستسلما بعد أن إرتاح إلى إيقاع دقات قلبي .. ها قد وجد مرجعا يسند إليه حياته البسيطة قبل أن يغفو.   ـ

رفع رأسه لتحدق بي عيناه السوداوين؛ كأنهما ثقبان أسودان يمتصانني و يجذباني لبعد لم أعرفه قبلا.. جاذبية قل ما أجدها في شخص غيره. أغمض عينيه و أشاح بوجهه عني مخفضا رأسه.  ـ
يدٌ تستند إلى أطراف كتفي و أخرى تعبث أناملها بذراعي.. تدغدغني .. تضحكني .. ثم تبكيني.. كيف لا و هو أروع من إحتضنت؟

للحقيقة فهو ليس أجمل من رأيت .. لكنه من أكثرهم براءةً .. مقاتل و مقاوم شرس لوسائل تعذيبنا .. لتنظيفنا و تطبيبنا .. لحمايتنا له.. لكنه لم يكن و لن يكون لي .. فحبه الأول ينتظره.. لكني أختلس اللحظات لأقضيها معه وحدنا.  ـ

يعود فيفرك وجهه إمتعاضا و ما يلبث أن يصرخ باكيا ؛ لتمتد يدا أختي و تختطفه مني .. فهو حبها و هي أمه و قد حان وقت إطعامه.  ـ

9 comments:

LioneSS said...

الله يخليلكم اياه يارب و تشوفي حبك الخاص فيكي يارب ^_^

جهزوا عشان اجي انضم لتعذيبه معكم :D
انا خبيرة تعذيب :D

Whisper said...

الله يخليلكم اياه يا رب....يوم عن يوم حتتعلقو فيه اكتر...هلأ احنا متدمرين على بعاد عبود و فروحه ولاد اخواني :(

الله يخليلنا اياهم كلهم يا رب :)

LUNAR. said...

الله يخليلك اياهم يا رب
وعقبال ما نشوفلك
وتحكي عنهم كلام جميل مثل هاذ كمان

:thumbs up:

Palestinian Princess said...

LioneSS

الله يسعدك و يخليكي حبيبتي
:hug:

إحنا جاهزين بس إنتي تعالي
هينا بنستناك و التعذيب شغال
:D

أحلى شي لما نعطيه دوا و يصير يعيط و يقاوم بشدة
:)


Whisper

الله يسعدك .. ما هاي المشكلة
هلقيت هو عنا كمان أكمن يوم بتركنا و بنكون تعلقنا فيه
:(

الله يخليلكم عبود و فروحه .. بعرف شعور مش سهل
ان شاء الله بتشوفيهم عن قريب
:)

Palestinian Princess said...

LUNAR

تسلم الله يسعدك يا لونار و يحميلك زينة و يخليلك إياها و تشوفها عروس
:)

Saleh said...

الله يخليلكم اياه يارب

لما أشوف طفل صغير بأكون حابب أعرف شو بيدور براسه (بإيش و كيف بيفكر)، طبعاً ما أظن إنه فيه حدا بيعرف جواب مثل هيك سؤال

Palestinian Princess said...

الله يسعدك يا صالح

و الله نفس تفكيري بالضبط
و الحلو في الموضوع إنهم بصفنو لفترات طويلة مبحلقين في الفضاء المحيط و بكون نفسي أفوت على على عقلهم جوا و أعرف وين سرحانين
عاد كلهم أسبوعين عمره ما لحق يهمّه شي في الدنيا أو إنه عارف شو جاييه من هاي الدنيا
سبحان الله
:)

الكيل بمكيالين said...

الله يفرحكم بالمزيد من الأحفاد وانشاءالله كمان تفرحي بحبك الخاص.
مساءك سعيد

Palestinian Princess said...

مساكي ورد يا عزيزتي كيالة
:)

الله يسعدك و يخليكي و يسمع منك يا ذوق

أسعدني مرورك