Tuesday, November 4, 2008

الرجاء عدم اللمس

الهوة بين حضارتي الغرب و العرب كبيرة جدا. و المشكلة ان المعلومات المتوفرة لديهم عنا مغلوطة. و الطامة الكبرى اننا لا نعلم و لا نسعى لتصحيحها بالشكل المناسب

من غير اللائق في عالمنا العربي و الإسلامي ان يلمس الرجل المرأة حتى لو كان ذلك بإسم الصداقة و الأخوية المزمعة! و ان حدث فليس من مشكلة .. يا اما بتبهدل الشب و بنتقل قيمته اذا ضل يتزانخ او بمجرد نظرة غضب ممكن يتراجع و يفهم انه تجاوز حدوده المرسومة من قبل البنت
لكن عندما تكون الفتاة في مجتمع غربي ما في مشكلة عندهم يحضنوا بعض في قارعة الطريق او يتبادل القبل في المترو .. هون بتصير صعبة انه الشباب الغربي يتفهم عدم تقبل الفتاة الشرقية ليده ان توضع على كتفها مثلا. كيف ممكن نوصل لهم افكار دينا و عادتنا و تقاليدنا بشكل صحيح؟ م
ا بدنا نفرهم منا و بنفس الوقت بدنا نعرفهم حدودهم .. هل من طريقة؟

4 comments:

LioneSS said...

هلا برنسيس ^_^
لك جد الك وحشة عسوووول :hug:

بالنسبه للموضوع في كتير من الاحيان بحس الغربين بعرفوا كتير عن ثقافتنا و عن عاداتنا الاسلاميه بنفس الوقت بدهم يعرفوا ردت فعلنا اذا طبقوا علينا عاداتنا

الله يعينك و يبعد عنك كل سوء ^_^

Palestinian Princess said...

و انت كمان حبيبتي
:hug:

و الله ما بعرف.. يمكن كلامك صحيح
بس المشكلة انه لازم يعرفوا دينا صح بس بدون ما نفرهم

الله يبعد عنا الشر و اصحابه
:)

Saleh said...

أول حاجة بأعتذر إني بأدخل بدون استئذان... و ثاني حاجة أنا وصلت هون عن طريق الروابط في بلوج ليونس ... و ثالث حاجة الموضوع هاد من المواضيع اللي مش عارفلها حل بس حابب أوضح حاجتين و أعطي خلاصة تجربتي مع هيك مجتمعات.

الموضوع بشقين: الشق الأول محاولة منع حدوث مثل هذه الشغلات و الشق الثاني هو كيف نوصل للأجانب معتقداتنا بشكل صحيح، أظن إنه الشق الأول إجباري و الثاني اختياري.

بالنسبة لرأي ليونس (مع احترامي له) فهو غير دقيق لأنه الأجانب اللي عاشوا في بلد عربي أو مسلم أو خالطوا العرب و المسلمين بس الل بيعرفوا بهذه الأمور، أما الناس الثانيين فما عندهم أي معلومات غير المعلومات المغلوطة اللي في وسائل الإعلام المشبوهة.

أنا تعاملت و ما زلت أتعامل مع الأجانب، و تعرضت لمثل هذه الحوادث (طبعاً نفس المانع إنه الشاب يلمس أو يعانق الفتاة هو نفسه اللي بيمنع حدوث العكس) و لقيت أفضل حل إني أحافظ علي المسافة اللي بينا و هم عادة ما بيحاولوا يخترقوا هاي المسافة، أحياناً بتصير حوادث بس ما بأوقف عندها و برجع أحاول أرجع المسافة، و مع الزمن هم بيفهموا هالوضع من حالهم.

الإستثناء الوحيد هو بعض الأتراك العلمانيين، دائما بيحاولوا يخترقوا المسافة الشخصية في بداية أي لقاء ، فلذلك بأحاول لما أسلم عليهم باليد إني أخليهم بعيد عني، يمكن نوع من الزعل، أو نوع من التضايق (مش مهم) ما بيحاولوا في هداك الموقف يقربوا أكثر (بأعرف إنه السلام برضه ما بيصير و لكنه بيضل أهون من العناق!)

الشق الثاني ممكن يكون عن طريق تقديم النموذج الحسن عن المسلمين، بالتصرف و المعاملة، و كلما سنحت الفرصة باحكيلهم إنه الإسلام بيأمرنا بأنه لازم نعمل هيك، يعني ما بأحاول أفرض عليهم معتقدي و لكن بأقدملهم إياه وقت الحاجة.... ما بعرف إن كان هذا الشيء صح أم خطأ لكن هاد اللي بأعمله.

آسف رغيت كتير كالعادة

Palestinian Princess said...

ابدا.. فيش داعي تعتذر يا أخي
بالعكس .. انا جدا سعيدة بمداخلتك و حابة اسمع وجهات نظر مختلفة تساعدني
كلامك ما عليه غبار ابدا و صراحة اجده دقيق خاصة عن الأتراك العلمانيين
(يعني صراحة شفت أكثر من شكل)
و الحلو اني عم بعطي انطباع اني بخوف عشان بعطيش حدا عين و هذا المطلوب
:)