Tuesday, August 10, 2010

من عاصمة الكنافة

كان لازم كملت الجزء الثاني من القصة لكن للأسف مش قادرة ألاقي وقت
مشغولة بطلعات و نزلات وعزايم و كل يوم بقول بدي أقعد و أكتب و ما بصحللي

بس عشان أطلّع الفرقية مؤقتا و أكفّر عن تأخري .. و بما إني في مدينة الكنافة و الجبنة و الصابون بقدملكم أزكى كنافة موصية خص نص عشاني
كنافة نابلسية برمة
:D
حاسبة حساب ليونس كمان
:hug:

تفضلوا
:)






و كل عام و انتوا بألف خير و ينعاد عليكم رمضان بالخير و المحبة و المغفرة

23 comments:

jafra said...

كل عام و انتي بخير و ينعاد عليكي بالصحة و العافية
لازم اكون موجودة هون مش انذكرت الكنافة ؟
:)
ما عم يعملوها طيبة عنا
صار لازم تصدروها للخارج

Palestinian Princess said...

و انت بألف خير و سلامة و هداة بال
:)

على حسابك كل الكنافة و ما لفة لفهم من حلويات و خدود الست و زنودها و حتى بين النارين
:D

و الله انا الصراحة بحرم حالي من الكنافة طول ما أنا بعيدة عن نابلس و ما باكلها إلا توصاية عشان الكنافة كِيف
عشان هيك إلي تلت سنين مش دايقاها

ببقى أفتح عتدكم محل بكلن ربحت شوي
:p

Whisper said...

كل عام وانت بالف خير

ازكى اشي بالحياة الكنافه النابلسيه :)
خالو كل رمضان بعمملنا اياها بالبيت عنده ...بتعرفي نابلسي و لعبته :)

الله يتقبّل الطاعات يا رب

Palestinian Princess said...

و انت بألف خير و صحة و سلامة
و يتقبل منك و من الجميع صالح الأعمال
إشتقتلك
:)

الله يخليلك خالك و ما يحرمكم من كنافته النابلسية
:)

بس المهم إحكيلي.. بتاكلوها قبل الأكل على الطريقة النابلسية و لا بعده؟

LUNAR. said...

اغلبك تلفي كيلو الي سفري

ان شاء الله ينعاد علينا وعليكي بالصحة وهداة البال يا رب

:give:

Palestinian Princess said...

و إذا بضمن توصلك الكنافة سخن ما بقصر

بس الله فهمته ان في رمضان ما بتوصّى على الكنافة هون في نابلس عشان بكون الكنفنجي مش شايف الفضا

و ينعاد عليك و على أهلك أجمعين بالخير و البركة

:give:

الكيل بمكيالين said...

كل عام وانت بخير وألف صحة وهنا.
شكلها زاكية وبتشهي بس للأسف أنا ما بحب الكنافة!
نهارك سعيد.

Haitham هيثم Al-Sheeshany الشيشاني said...

ياااااااااااااااااااا صحة

الكنافة من + ب أصولها
;)))))

LioneSS said...

واااااااااااع
كان لازم حطيتي بالاول تحذير لاصحاب القلوب الضعيفة و للعالم المقاطيع اللي زي حالاتي

مش طبيعي شو منظرها بشهي :( و شفت الصورة و انا صايمة متت من الجوع بزيادة :(

ريته ألف صحة و هنا يارب على قلبك و قلوب كل احبابك و افتكرني دايما و كلي عني و عنك ;)

مبروك عليك رمضان و ينعاد عليك بالصحة و البركة

اشتقنالك كتييير :hug:

Palestinian Princess said...

الكيل بمكيالين

مسا الورد

و إنت بخير و صحة و سلامة
له له له يا أنسة كيالة .. في حد بحبش الكنافة
:)

بيني و بينك أنا مع إني بحبها بس أكتر من شقفة صغيرة ما بعرف أكل
:$


Haitham هيثم Al-Sheeshany الشيشاني

على قلبك يا هيثم

عشان أكون صريحة معاك .. ما فهمتش شو قصدك ب "من + ب أصولها" .. بس عليك الجيرة لتتفضل
:)))

Palestinian Princess said...

LioneSS

Lioooooooooo! wak missek komat komat :(

حقك علي و الله .. أنا كان لازم حطيت الصور من قبل أكمن يوم بس عبين ما لقيت سلك الكاميرا
:(

ينعاد عليكي رمضان بالصحة و السلامة

خلص إنتي إعملي فيزا زيارة و تعالي عندي و أنا من عيوني لأجيبلك أحلى كنافة
:hug:

Haitham هيثم Al-Sheeshany الشيشاني said...

من أصولها = يعني للإشارة للمكان
ب أصولها = للإشارة للكيفية

معلش أنا مهووس باللغة العربية

تحمليني

بدون إدراك بكتب "شخابيط" زي هيك

Palestinian Princess said...

Haitham هيثم Al-Sheeshany الشيشاني

له يا رجل! شو شخابيط ما شخابيط! سلامة قيمتك

هيني بتعلم منك
:)

حلو.. ان شاء الله كل الناس يصحلها تيجي تاكل كنافة على أصولها من نابلس ليوم

Finalway said...

والله جبتيها على بالي ... في نابلس احلى كنافة بس بعد الافطور ما بيجي على بالي اشي اكل ... بس والله فتحتي نفسي للكنافة ...

Palestinian Princess said...

Finalway

أول شي أهلا و سهلا في مدونتي و كل عام و انت بخير

بس المشكلة إنه الكنافة ما بتتاكل إلا توصاية في نابلس
;)))))
و في رمضان صعب توصي

بعدين إنت مش ماشي زي أهل نابلس؟ الحلو بالأول و بعدين الفطور؟
:D

Shaheen said...

this is not fair ..y3ni you eat original knafeh while we suffer of cheap 3rd class junke knafeh here

7aram 3aleki

bs yalla b6la3lik ..bema eno u dont eat knafeh except its from nablus

Palestinian Princess said...

Shaheen

LOL @ 3rd class junke knafeh

maho that's why I never eat knafeh any where except "tewsayeh" men nables :D

walla law b eyde la a3zemkom 3aleeha fe nables :(

Finalway said...

مزبوط يا عمي ... شكلك نابلسية اصلية ...
بس والله ما بزبط معي حلو قبل بيسد النفس ...

الله يسعدك ورمضان كريم على الجميع

Saleh said...

عشان هذول الصور بدي أضيفك لزمرة الأشرار أمثال ليونس و إم عمر

Palestinian Princess said...

Finalway

أه ولا! أنا نابلسية أبا عن جد

المشكلة إذا ما تاكل الحلو بالأول ببطل إله وسعة
:D

الله يسعدك و يتقبل صيامك



Saleh

له له يا صالح
لو بعرف هيك ما حطيت صور الكنافة

و هون عليك يا مرسي تحطني في خانة وحدة مع ليونس و إم عمر؟

باكلوني

Saleh said...

الكنافة و الحلو بشكل عام بأكره أشوفهم قدامي، لازم أقضي عليهم، فصورهم بتسويلي العجايب و خصوصاً في رمضان

خلص ما دامك نابلسية قررت إني أعفي عنك و أشيلك من خانتهم

Palestinian Princess said...

صحة و هنا يا صالح

:)

جعفر حجير said...

مرحبا
أتوقع إني بإمكاني تخمين اسم المحل اللي انعملت فيه الكنافة من نابلس.. مش اكيد بس عندي احتمالات

ما تنصدمي كتير ..أنا بدون من نابلس.. و اللي عندي عالفيس بوك بقدرو يشوفو كيف الكنافة بتطلع من تحت إيدي :)

في رمضان بنابلس الكنافة مش الخيار الأول.. حاليا بكون الفطير وخدود الست و الوربات سواء جبنة أو قشطة هي الخيار الأول


تحياتي